Ганс фон Кульмбах (ням.: Hans von Kulmbach; сапраўднае прозвішча Зюс, ням.: Sűss; 1476, Кульмбах — паміж 29 лістапада і 3 снежня 1522, Нюрнберг) — нямецкі мастак: жывапісец і малявальшчык для гравюр на дрэве.
Вучыўся ў Якапа дэ Барбары, верагодна, займаўся затым у майстэрні Альбрэхта Дзюрэра, паслядоўнікам якога стаў пазней, працаваў у Нюрнбергу і Кракаве. Ствараў гістарычныя карціны і партрэты. Галоўныя яго творы — «Нябеснае каранаванне Багародзіцы» (алтарны абраз у царкве святога Зебальда, у Нюрнбергу), дзве бакавыя створкі трыптыха, «Святы Якім са святой Ганнаю» і «Святы Вілібранд са святым Бенедыктам» (у мюнхенскай Пінакатэцы) і «Пакланенне валхвоў» (у Берлінскім музеі).