У Вікіпедыі ёсць артыкулы пра іншых асоб з прозвішчам Сянько.
Ганна Мікалаеўна Сянько (нар. 16 ліпеня 1958, в. Ельніца, Барысаўскі раён, Мінская вобласць) — беларускі эканаміст. Доктар эканамічных навук (2009), дацэнт (1996), прафесар.
Скончыла Беларускі дзяржаўны інстытут народнай гаспадаркі імя В. У. Куйбышава (спецыяльнасць «Бухгалтарскі ўлік у прамысловасці», 1979; аспірантура, 1991), Беларускі дзяржаўны эканамічны ўніверсітэт (дактарантура, 2003).
Працавала ў Беларускім дзяржаўным універсітэце (эканамічны факультэт, кафедра банкаўскай і фінансавай эканомікі, прафесар), Акадэміі кіраваня пры Прэзідэнце Рэспублікі Беларусь (з 2014, факультэт падрыхтоўкі і перападрыхтоўкі, кафедра кіравання рэгіянальным развіццём, прафесар).
Навуковыя інтарэсы: эканамічная бяспека; інвестыцыі; эканоміка прамысловасці; прамысловая палітыка.