Ганна Камніна[4] (1 снежня 1083 — каля 1148) — візантыйская прынцэса і пісьменніца, дачка імператара Аляксея I Камніна і Ірыны Дукіны.
Атрымала добрую адукацыю, вывучала гісторыю, філасофію і матэматыку. У 14 гадоў выйшла замуж за Нікіфара Врыенія. Разам з маці спрабавала дамагчыся ад бацькі, каб той зрабіў Нікіфара спадкаемцам імператарскага стальца, а ўласнага сына Іаана пазбавіў бы спадчыны. Калі ў 1118 Іаан заняў сталец, узначаліла змову супраць яго, але пасля няўдачы змовы была вымушана пастрыгчыся ў манастыр, дзе і напісала вядомую «Алексіяду».