Го́жка, Гажанка[1] — рака ў Беларусі, у Гродзенскім раёне Гродзенскай вобласці, правы прыток Нёмана.
Працягласць — каля 19[2] км. Сярэдні нахіл воднай паверхні 1,3[1] м/км. Пачынаецца каля вёскі Вялікая Капліца[2] (за 3 км на захад ад вёскі Казловічы[1]). Упадае ў Нёман каля вёскі Гожа. Прытокі — Вержбалоўка, Чарнуха і Лесніца (справа). Вадазбор нізінны. Плошча вадазбору каля 211 км², з якіх 36 % занятыя лесам. У сярэднім і верхнім цячэнні ў рэчышчы ракі пабудаваны каналы.