Гавіялавыя (Gavialidae) — сямейства паўзуноў з атрада кракадзілаў. Да яго ставяцца два сучасных віды: Gavialis gangeticus і, пасля нядаўніх даследаванняў, Tomistoma schlegelii[1].
Прадстаўнікі дадзенага сямейства характарызуюцца як вялікія паўводныя рэптыліі, якія нагадваюць сапраўдных кракадзілаў, але са значна больш тонкімі мордамі. Тонкая морда выкарыстоўваецца для лоўлі рыбы, але яна недастаткова трывалая, каб дазволіць захопліваць буйную здабычу, як сапраўдным кракадзілам і некаторым алігатаравым (чорным кайманам).