wd wp Пошук: ⬜

Віталь Уладзіміравіч Кутузаў

У Вікіпедыі ёсць артыкулы пра іншых асоб з прозвішчам Кутузаў. .mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Віталь Уладзіміравіч Кутузаў (20 сакавіка 1980, Пінск, Брэсцкая вобласць, Беларуская ССР) — беларускі футбаліст, былы нападнік нацыянальнай зборнай.

Біяграфія

Пачынаў кар’еру футбаліста ў мазырскім МПКЦ, затым — у мінскім РВАРы. У 1997 годзе пераходзіць у барысаўскі БАТЭ на замену форварду Мікалаю Рындзюку. У складзе барысаўскай каманды ў межах Вышэйшай лігі чэмпіянату Беларусі Віталь праводзіць 99 матчаў, у якіх забівае 55 галоў.

У 2001 годзе БАТЭ гуляе ў кваліфікацыі Кубка УЕФА з «Міланам». Яшчэ да еўракубкавых матчаў каманды дамовіліся аб пераходзе Кутузава ў італьянскі клуб. Сам Кутузаў адыграў толькі першы матч (прайграны БАТЭ 0:2). Матч у адказ глядзеў з трыбуны «Сан-Сіра» ужо ў якасці гульца гаспадароў.

Выступаў за «Мілан» у 2001—2004 гадах. У камандзе трэніраваўся з асновай. Аднак за «Мілан» правёў усяго 2 гульні ў чэмпіянаце, хоць на выязныя матчы ездзіў з камандай практычна заўсёды. Але ў заяўку трапляў, толькі калі хтосьці атрымліваў траўмы. У сезоне 2002/2003 быў арандаваны «Спортынгам» з Лісабона. За асноўны склад каманды правёў 24 гульні, забіў 3 мячы. У 2003—2004 быў арэндаваны «Авеліна», клубам італьянскай Серыі B. Пад кіраўніцтвам знакамітага трэнера Здэнека Земана Віталь забіў 15 галоў за 42 матчы. Пры гэтым каманда вылецела ў трэці футбольны дывізіён Італіі.

Дзякуючы бліскучаму выступленню ў «Авеліна», Кутузавым пачынаюць цікавіцца клубы Серыі A. У выніку палову правоў на беларускага футбаліста коштам 1,5 мільёна еўра набывае генуэзская «Сампдорыя», за якую Кутузаў выступаў у 2004—2006 гадах. У асноўным складзе «Сампдорыі» Віталь выходзіў не вельмі часта, але заўзятары каманды высока цанілі футбаліста за яго скіраванасць на атакуючыя дзеянні, а таксама за шматпрофільнасць: на полі Кутузаў мог выконваць ролі страйкера, адцягнутага форварда і нават вінгера. У першым сезоне ў складзе генуэзскай каманды Віталь выйшаў на поле 33 разы і адначыўся 4 забітымі мячамі. У наступным сезоне ва ўсіх турнірах Віталь з’явіўся ў складзе 34 разы і забіў 3 мячы.

У 2006 заключыў кантракт на 3 гады «Пармай» (у зваротным шляху ў Геную накіраваўся форвард Эмільяна Банаццолі), за якую выступаў да 2009 года. У складзе «крыжаносцаў» з’явіўся на полі ўсяго 9 разоў і не адзначыўся забітымі мячамі. У сезоне 2007/2008 сыходзіў у арэнду ў клуб Серыі B «Піза». За «Пізу» Кутузаў зноў пачаў шмат забіваць: 10 галоў у 37 гульнях. Аднак нядрэнныя выступы сапсавала траўма, якую Віталь атрымаў пад канец красавіка.

З-за фінансавых праблем «Піза» не змагла выкупіць кантракт Кутузава, і футбаліст вярнуўся у склад «Пармы». Падчас зімняга трансфернага перыяду Кутузавым зацікавіўся клуб Серыі B «Бары». Свой першы гол у чырвона-белай футболцы Кутузаў забіў 8 сакавіка 2009 года ў вароты клуба «Сасуола». Да канца сезону Кутузаў забівае яшчэ 4 разы, і застаецца ў «Бары» яшчэ на сезон. А сам клуб вяртаецца ў Серыю A.

У першай сустрэчы ў Серыі A «Бары» сенсацыйна гуляе ў нічыю з дзейсным чэмпіёнам, міланскім «Інтэрам», на яго полі, адзіны гол «б’янкарозі» забівае Кутузаў. Аднак праз некалькі дзён футбаліст атрымлівае сур’ёзнае пашкоджанне і прапускае амаль увесь сезон. У наступным сезоне Віталь зноў не можа прабіцца ў стартавы склад з-за шэрагу траўм, а «Бары» пакідае Серыю A. У 2012 годзе Віталь вяртаецца ў асноўны склад «Бары» і праводзіць некалькі гульняў у Серыі B, аднак па завяршэнні сезону клуб вырашае не працягваць супрацоўніцтва з футбалістам, і Кутузаў з’яўляецца на вольным трансферы.

З 2012 знаходзіўся без клуба. У ліпені 2013 быў дыскваліфікаваны Федэрацыяй футбола Італіі на 3,5 гады па справе аб арганізацыі дагаварных матчаў падчас гульні за «Бары»[1], у сувязі з чым абвясціў аб заканчэнні футбольнай кар’еры[2].

Пасля завяршэння футбольнай карьеры заняўся папулярызацыяй хакею ў Італіі. У якасці брамніка выступае за клуб «Д’явалі Рассанэры» з гораду Сэста-Сан-Джавані.

Дасягненні

БАТЭ

01 Чэмпіён Беларусі: 1999
02 Сярэбраны прызёр: 1998, 2000
03 Бронзавы прызёр: 2001

Спасылкі

Статыстыка на афіцыйным сайце ФК БАТЭ Архівавана 1 жніўня 2014.

Зноскі

↑ Кутузов дисквалифицирован на 3,5 года за участие в договорных матчах в Италии(недаступная спасылка)
↑ Карта памяти. Виталий Кутузов. Архівавана 17 жніўня 2013.