У Вікіпедыі ёсць артыкулы пра іншых людзей з імем Парэта. Вільфрэда Парэта (італ.: Vilfredo Federico Damaso Pareto; 15 ліпеня 1848, Францыя — 19 жніўня 1923, Швейцарыя) — вядомы італьянскі эканаміст XIX стагоддзя, звярнуў увагу на тое, што большая частка багацця належыць меншай частцы насельніцтва і сфармуляваў «правіла 20 х 80», якое пазней атрымала назву «Закон Парэта»: 20% усіх кліентаў даюць 80% прыбытку, 20% усіх тавараў даюць 80% звароту, 20% насельніцтва выпіваюць 80% піва і г.д.
Паводле меркавання Парэта, грамадства мае пірамідальную структуру, на вяршыні якой знаходзіцца эліта — кіруючы сацыяльны слой, які накіроўвае жыццё ўсяго грамадства. Залог паспяховага развіцця — своечасовае абнаўленне (ратацыя, кааптацыя) эліты.