Вільнюская ратуша, Ратуша ў Вільні (польск.: ratusz w Wilnie, літ.: Vilniaus rotušė) — помнік архітэктуры, выдатны грамадскі будынак у стылі класіцызму. Размяшчаецца на Ратушнай плошчы ў Старым горадзе Вільнюса (Didžioji g. 31), выконваючы функцыі рэпрэзентатыўнага памяшкання пратакольных гарадскіх цырымоній і мерапрыемстваў, урачыстых пасяджэнняў, святкаванняў дзяржаўных свят, прыёмаў дэлегацый.