У Вікіпедыі ёсць артыкулы пра іншых людзей з імем Вільгельм II.
Вільгельм II Руды (або Вільгельм II Руфус; англ.: William II Rufus, каля 1056 — 2 жніўня 1100) — другі сын Вільгельма Заваёўніка, кароль Англіі ў 1087—1100 гадах, прадстаўнік Нармандскай дынастыі.
Сваю мянушку кароль атрымаў, верагодна, з-за чырвонага колеру твару. Вільгельм II увайшоў у англійскую гісторыю як ваяўнічы і бязлітасны манарх, які мала клапаціўся аб падданых і з грэбаваннем ставіўся да англасаксаў і іх культуры.