У Вікіпедыі ёсць артыкулы пра іншых асоб з прозвішчам Барысенка.
Віктар Яўгенавіч Барысенка (нар. 14 студзеня 1951, Запарожжа, Украіна) — беларускі фізік. Доктар фізіка-матэматычных навук (1988), прафесар (1990).
Скончыў Мінскі радыётэхнічны інстытут (спецыяльнасць «Паўправаднікі і дыэлектрыкі», кваліфікацыя"Інжынер электроннай тэхнікі", 1973; аспірантура, 1977).
Працаваў у Беларускім дзяржаўным універсітэце інфарматыкі і радыёэлектронікі (з 1973, факультэт радыётэхнікі і электронікі, кафедра мікра- і нанаэлектронікі, прафесар, з 2009 – загадчык кафедры; у 2001–2002 – дэкан факультэта; 2002–2009 – прарэктар па вучэбнай рабоце).
Навуковыя інтарэсы; фізіка кандэнсаванага стану; нанатэхналогіі; нанаматэрыялы; нанаструктуры.
Нагрудны знак «Выдатнiк адукацыi» (2009), званне «Кавалер ордэна Акадэмічнай пальмавай галіны» («Akademik Palma», Францыя) і інш.