Віктар Сяргеевіч Смародзін (нар. 24 чэрвеня 1954, Крупкі, Мінская вобласць) — беларускі спецыяліст у галіне матэматычнага мадэлявання, лікавых метадаў і комплексаў праграм. Доктар тэхнічных навук (2010), кандыдат фізіка-матэматычных навук (1989), прафесар[1].
Скончыў Беларускі дзяржаўны ўніверсітэт (спецыяльнасць «Матэматыка», 1976; дактарантура, 2008).
Працуе ў Гомельскім дзяржаўным універсітэце імя Ф. Скарыны (факультэт матэматыкі і тэхналогій праграмавання, кафедра матэматычных праблем кіравання і інфарматыкі, з 2010 — загадчык кафедры).
Навуковыя інтарэсы: аналіз функцыянавання і сінтэз аптымальнай структуры складаных сістэм са зменлівай тапалогіяй.