wd wp Пошук: ⬜

Віктар Адамавіч Шых

Ві́ктар Ада́мавiч Шых (нар. 5 студзеня 1958, Мінск) — беларускі дыпламат.

Біяграфія

У 1980 годзе скончыў Мінскі дзяржаўны педагагічны інстытут замежных моў, у 1995 годзе — Усерасійскую акадэмію знешняга гандлю.

З 15 студзеня 2002 года член Калегіі Міністэрства замежных спраў Рэспублікі Беларусь. 6 снежня 2002 года прызначаны Надзвычайным і Паўнамоцным Паслом Рэспублікі Беларусь у Румыніі.

26 кастрычніка 2004 года прызначаны Надзвычайным і Паўнамоцным Паслом Рэспублікі Беларусь ва Францыі, Іспаніі і Партугаліі, а таксама Пастаянным прадстаўніком пры ЮНЕСКА па сумяшчальніцтве, адстаўлены з гэтых пасад быў 26 лютага 2008 года.

30 чэрвеня 2014 года быў прызначаны Надзвычайным і Паўнамоцным Паслом Рэспублікі Беларусь у Аўстралійскім Саюзе, Надзвычайным і Паўнамоцным Паслом Рэспублікі Беларусь у Новай Зеландыі па сумяшчальніцтве[1].

У сувязі з закрыццём пасольства Рэспублікі Беларусь у Аўстралійскім Саюзе[2] згодна з указам Прэзідэнта Рэспублікі Беларусь быў вызвалены з пасады[3].

Сям’я

Жанаты, мае сына.

Узнагароды

медаль «За ўклад у стварэнне Еўразійскага эканамічнага саюза» III ступені (2015)[4].

Зноскі

↑ Указ Прэзiдэнта Рэспублiкi Беларусь ад 30 чэрвеня 2014 года № 321 «Аб прызначэнні В. А. Шыха»
↑ Пастановай Савета Міністраў Рэспублікі Беларусь ад 7 жніўня 2018 № 581 прынята рашэнне закрыць да 1 верасня 2018 года пасольства Рэспублікі Беларусь ў Аўстралійскім Саюзе.
↑ Указ Прэзідэнта Рэспублікі Беларусь № 351 «О В. А. Шихе»(руск.) . Национальный правовой Интернет-портал Республики Беларусь (31 жніўня 2018).
↑ Решение Высшего Евразийского Экономического Совета от 8 мая 2015 года № 4 «О награждении медалью „За вклад в создание Евразийского экономического союза“» Архівавана 25 лютага 2021.