Вячаслаў Мікалаевіч Абрашын (нар. 22 ліпеня 1943, горад Ржэў, Цвярская вобласць, РСФСР) — беларускі матэматык. Доктар фізіка-матэматычных навук (1979, Да тэорыі рознасцевых схемаў для нелінейных нестацыянарных раўнанняў матэматычнай фізікі), прафесар (1981).
Скончыў БДУ (1966). Працуе ў Інстытуце матэматыкі НАН Беларусі. Навуковыя працы па вылічальнай матэматыцы і матэматычным мадэляванні. Развіў тэорыю нелінейных рознасцевых схемаў для дыферэнцыяльных раўнанняў у частковых вытворных, распрацаваў эканамічныя метады развязання мнагамерных задач матэматычнай фізікі.