Вэлыка Багачка[1] (укр.: Велика Багачка) — пасёлак гарадскога тыпу, цэнтр Вэлыкабагачанскага раёна Палтаўскай вобласці Украіны, на р. Псёл (басейн Дняпра), за 18 км ад чыгуначнай станцыі Гогалева (на лініі Палтава — Рамадан). Прамысловы камбінат. Адносілася да Багацкай сотні Міргарадскага палка.
Першыя згадкі пра паселішча з’явіліся ў канцы XVI — пачатку XVII ст. На карце Гіёма дэ Баплана, створанай у XVII стагоддзі, яна пазначана як Багачка. Паселішча ўзнікла ў выніку казацкай каланізацыі.[2]
У ХІХ стагоддзі мястэчка Багачка было ў складзе Багачанскай воласці Міргарадскага павета Палтаўскай губерні[3].