Вышэйшая камуністычная сельскагаспадарчая школа Беларусі імя У. І. Леніна — навучальная ўстанова, якая існавала з кастрычніка 1932 года да сакавіка 1939 года ў Мінску. Створана на базе Камуністычнага ўніверсітэта Беларусі.
Рыхтавала арганізатараў сацыялістычнай сельскай гаспадаркі, кіруючых партыйных і савецкіх работнікаў раённага звяна. Кафедры ў 1934 годзе: палітэканоміі, эканамічнай палітыкі, ленінізму і гісторыі партыі, дыялектычнага матэрыялізму, гісторыі народаў СССР, усеагуальнай гісторыі, арганізацыі сельскагаспадарчай вытворчасці, аграноміі, жывёлагадоўлі, механізацыі сельскай гаспадаркі.
Рэарганізавана ў сельскагаспадарчы тэхнікум.