wd wp Пошук:
    ⬜

    Вуліца Таманяна

    Вуліца Таманяна (арм.: Թամանյան փողոց) — пешаходная вуліца ў Ерэване, Арменія. Размешчана ў Цэнтральным раёне Кентрон і злучае Ерэванскі Каскад на поўначы з вуліцай Маскавян на поўдні. Сваю назву вуліца атрымала ў гонар галоўнага архітэктара Ерэвана Аляксандра Таманяна. Помнік Таманяну стаіць у пачатку вуліцы з 1974 года[1].

    Палажэнне вуліцы

    Вуліца Таманяна фактычна ўяўляе сабою працяг Паўночнага праспекта[2].

    Яна адыходзіць на поўнач ад вуліцы Московян, перасякае вуліцу Ісаакяна і сканчаецца ў Ерэванскага Каскада. Вуліца Таманяна мае даўжыню каля 200 м і шырыню каля 55 м.

    Гісторыя

    Вуліца Таманяна была запраектавана яшчэ ў генеральным плане 1924 года, як частка Паўночнага каскада, які павінен быў звязаць цэнтральную і паўночную часткі горада. Вуліца была сфармавана да 1960-х гадоў, ансамбль Каскада быў завершаны пазней. Вуліца была вырашана ў выглядзе бульвара з басейнамі, фантанамі і кветнікамі. У яе пачатку з боку Тэатральнай плошчы былі пабудаваны два 9-павярховыя дамы-вежы (архітэктары А. Бабаджанян і В. Гусян)[2].

    Славутасці

    Помнік Таманяну.

    У самым пачатку вуліцы знаходзімся помнік архітэктару Аляксандру Таманяну, выкананы ў 1974 годзе па праекце скульптара А. Аўсепяна і архітэктара С. Петрасяна. Аляксандр Таманян намаляваны такім, што абперся на доўгі прамавугольны каменны блок, што стаіць на двух невялікіх блоках. Па словах скульптара помніка, «левы камень — гэта старая архітэктура, правы — новая, а вялікі архітэктар перакідае мост паміж гэтымі двума перыядамі і з яго дапамогай стварае новую архітэктуру і чыніць нашу сталіцу»[1].

    Уздоўж вуліцы размешчаны сад «скульптуры Гафесчана» пры Цэнтры мастацтваў Гафесчана. Сканчаецца вуліца ўсходамі комплексу Каскада.

    Сад скульптур быў адкрыты на вуліцы ў 2009 годзе[3]. У ім выстаўлены працы многіх вядомых мастакоў. Сярод іх некалькі твораў калумбійскага скульптара Фернанда Батэра: «Котка»[4], «Рымскі воін»[5] і «Жанчына, што курыць цыгарэту».

    На вуліцы Таманяна таксама знаходзіцца «Музей рускага мастацтва».

    На вуліцы размешчана мноства кафэ, крам, бараў, рэстаранаў і пабаў.

    Галерэя

    Зноскі

    1. 1 2 Ереванский Каскад — живая история // «Ереван. XX век»
    2. 1 2 Ереван. Стройздат, 1968
    3. ↑ Сад «Скульптуры Гафесчяна» откроется 7 ноября // panorama.am
    4. ↑ Cat, CCA
    5. ↑ Roman warrior, CCA

    Літаратура

    Тэмы гэтай старонкі (3):
    Катэгорыя·Вуліцы Ерэвана
    Катэгорыя·Вуліцы паводле алфавіта
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96