Вулька Гарадзішчанская
Ву́лька Гарадзі́шчанская[1] (трансліт.: Vuĺka Haradziščanskaja, руск.: Вулька Городищенская) — вёска ў Пінскім раёне Брэсцкай вобласці. Уваходзіць у склад Гарадзішчанскага сельсавета.
Гісторыя
З 1667 года вёска адносілася да Гарадзішчанскага бенедыктынскага кляштара.
У канцы XIX стагоддзя пражывала 160 чалавек, пераважна дваранскага паходжання. На паўночным усходзе ад паселішча ў лесе знаходзілася капліца, у вёсцы — царква (не захаваліся).
Прыблізна ў ноч з 23 на 24 чэрвеня 1941 года за 2—3 кілямэтры ад вёскі, у лесе, супрацоўнікі НКУС звязалі паміж сабой калючым дротам 53 вязні[2] з пінскай турмы і закапалі жыўцом. Трагедыю на ўласныя вочы пабачыў вясковец, які па прыходзе нацыстаў распавёў ім пра тое, што бачыў у лесе[3][4]. 12 ліпеня 1941 года пры прысутнасці ўрачоў, мясцовых жыхароў і немцаў прайшла эксгумацыя. Словы вяскоўца аказаліся праўдай. 2 лістапада 1991 года тут быў усталяваны крыж.
Да Другой сусветнай вайны ў вёсцы было 202 двары і 731 жыхар. У чэрвені 1943 года фашысты знішчылі 174 двары, расстралялі 275 чалавек.
Насельніцтва
- 2009 год — 273 чалавекі
- 1999 год — 356 чалавек
- 1998 год — 337 чалавек, 163 гаспадаркі
Славутасці
- Крыж з надпісам «Ахвярам сталінізму. Чэрвень 1941 года» на магіле ахвяр рэпрэсій
- Помнік ахвярам фашызму
- Помнік археалогіі — селішча 4—3 тысячагоддзяў да н. э.
Асобы
- Васіль Амяльковіч (1966—1987) — загінуў падчас службы ў савецкім войску ў Афганістане. Пахаваны на вясковых могілках[5].
Зноскі
- ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
- ↑ Алексы Дуброўскі думае, што від бялізны забітых даводзіць, што гэта былі польскія ваенныя. Niewypłakane łzy, ECHA POLESIA 3(27)2010, s. 64
- ↑ Рэпрэсаваны Пінск. З гісторыі 1939—1941 гадоў, Радыё Рацыя, 1-10-2017
- ↑ У Пінску ўшанавалі памяць ахвяр бальшавізму і нацызму, Радыё Рацыя, 2017
- ↑ Амяльковіч Васіль Аляксеевіч
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх
Населеныя пункты Пінскага раёна
Артыкулы пра населеныя пункты без катэгорыі на Вікісховішчы
Артыкулы пра населеныя пункты Беларусі, створаныя аўтаматычна
Гарадзішчанскі сельсавет (Пінскі раён)
Населеныя пункты паводле алфавіта
Населеныя пункты Беларусі з насельніцтвам з Вікідадзеных
Рэпрэсіі ў БССР