У Вікіпедыі ёсць артыкулы пра іншых асоб з прозвішчам Сакалова. Вольга Уладзіленаўна Сакалова (нар. 7 мая 1958, г. Львоў, Украіна) — беларускі архітэктар.
Нарадзілася ў сям’і архітэктараў Уладзілена і Клары Сакаловых. Скончыла ў 1979 годзе Беларускі політэхнічны інстытут (выкладчыкі С. Д. Філімонаў, І. А. Сітнікава). Працаваў у 1979—1990 гадах у інстытуце «Белдзяржпраект»; у 1990—1997 гадах у «Белдзіпраздароўя»; у 1997—2004 гадах у ТАА «Сапоюр»; у 2005—2006 гадах у ТАА «Сентград»; з 2006 года ў ТАА «КВ-Праект».
Член Саюза архітэктараў з 1987 года.
Асноўныя працы: дзіцячая паліклініка па вул. Варанянскага ў г. Мінску (1990, пабудавана ў 1991—1992; сааўтар М. С. Волкаў); жылыя дамы па сістэме «КВ» у г. Мінску — жылы дом па вул. Бурдзейнага, 37; жылыя дамы па вул. Варанянскага, 25 і 27; жылыя дамы па вул. Адзінцова, 97 і 99; жылыя дамы па вул. Рафіева, 50 і 52 (1997—2004, пабудаваны ў 1999—2004; К. У. Сакалова, У. А. Сакалоў); жылыя дамы па сістэме «КВ» у Калодзішчах, Бараўлянах, (2006—2007; сааўтар У. А. Сакалоў); жылы дом па сістэме «КВ» у в/г Уручча (2006—2007; сааўтары Свянціцкая, У. А. Сакалоў); жылы дом па сістэме «КВ» у мікрараёне «Сухарава-5» (2006; сааўтар У. А. Сакалоў, Лушчыц); жылы дом па сістэме «КВ» у Серабранцы (2007—2008; сааўтар А. Пляскач); мадэрнізацыя 9-й гарадской дзіцячай паліклінікі па вул. Даўгабродскай, 39 у Мінску (2007—2008; сааўтар А. Пляскач).