wd wp Пошук: ⬜

Вольга Нойвірт

Вольга Нойвірт (ням.: Olga Neuwirth; нар.4 жніўня 1968, Грац) — аўстрыйскі кампазітар.

Біяграфія

З яўрэйскай сям’і, якая перажыла вайну хаваючы сваё паходжанне. З сямігадовага ўзросту брала ўрокі ігры на трубе. У 1987—1993 гадах вучылася музыцы ў Венскім універсітэце музыкі і выканальніцкага мастацтва, у 1985—1986 — у Кансерваторыі Сан-Францыска, у 1993—1994 — у Парыжы (фр. IRCAM), дзе займалася ў Браяна Ферніхоў і Трыстана Мюрая. Пазнаёмілася з Луіджы Нона, які глыбока паўплываў на яе і радыкальнымі палітычнымі поглядамі, і музыкай. Пасля атрыманай у дзяцінстве траўмы перасоўваецца на мыліцах.

У пошуках экспрэсіі актыўна ўзаемадзейнічае з кінематографам (у Сан-Францыска яна вывучала таксама кіно і жывапіс), выкарыстоўвае электроніку, абапіраецца на спадчыну літаратурнага авангарда XX ст. Супрацоўнічае з Э.Елінек і П. Остэрам.

Лаўрэат заахвочвальнай прэміі Эрнста фон Сіменса, прэмій Паўля Хіндэміта і Эрнста Кшэнека (усе тры — 1999). Вялікая дзяржаўная музычная прэмія Аўстрыі (2010). Член Берлінскай акадэміі мастацтваў.

Зноскі

1 2 Haas G. Neuwirth Olga // 210 österreichische Komponistinnen vom 16. Jahrhundert bis zur Gegenwart: Biographie, Werk und Bibliographie — Salzburg, Wien, F: Residenz Verlag, 2001. — S. 289–295. — ISBN 978-3-7017-1215-1
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #120491796 // Агульны нарматыўны кантроль — 2012—2016. Праверана 13 снежня 2014.