Венецыянскі заліў (італ.: Golfo di Venezia, харв.: Beneški zaliv) — заліў у паўночнай частцы Адрыятычнага мора паміж дэльтай ракі По ў паўночнай Італіі і паўвостравам Істрыя ў Харватыі. Абмывае берагі Італіі, Славеніі і Харватыі.
Сярэдняя глыбіня заліва 34 метра. У яго ўпадаюць рэкі Таглімента, Піяў, Адыджэ і Брэнт.
Галоўнымі гарадамі, якія ляжаць на ўзбярэжжы заліва, з’яўляюцца Венецыя, Трыест, Чыёджыя і Пула.
Венецыянскі заліў, верагодна, атрымаў сваю назву з таго часу, калі Венецыянская рэспубліка атачала большую частку паўночнага Адрыятычнага мора.