Ве́лькі Ша́рыш (славацк.: Veľký Šariš, ням.: Groß-Scharosch, венг.: Nagysáros) — горад ва ўсходняй Славакіі на рацэ Торыса. Насельніцтва каля 4 тыс. чалавек.
Велькі Шарыш упершыню згадваецца ў 1217 годзе, калі пачалося будаўніцтва Шарышскага Граду. З самага пачатку Велькі Шарыш быў вольным каралеўскім горадам. У 1240-х Велькі Шарыш стаў адміністрацыйным цэнтрам Шарыша. У XVI стагоддзі з-за пагражальнай небяспекі турэцкіх наездаў крэпасць узмацнілі новымі ўмацаваннямі. У наш час Велькі Шарыш — папулярны турыстычны аб’ект. У горадзе размяшчаецца знакаміты славацкі піваварны завод «Шарыш».