Васі́ль Фё́даравіч Су́мараў (нар. 7 снежня 1938, Мінск) — беларускі жывапісец. Заслужаны дзеяч мастацтваў БССР (1981).
Скончыў Беларускі тэатральна-мастацкі інстытут (1965). У 1965—1990 гадах кіраўнік дзіцячай народнай студыі выяўленчага мастацтва пры Палацы культуры тэкстыльшчыкаў у Мінску. Працуе ў жанры тэматычнай карціны, пейзажа, нацюрморта. Карціны «Вяселле» (1972), «Ноч, у якую зацвіў кактус» (1975), «Сказанне пра Навагрудак» (1976), «Пакаянне» (1990), «Мелодыя» (1996), «Зіма ў Навагрудку» (1998), «Блакітная веранда» (2001).
Дочкі Васіля Сумарава — Дар’я і Кацярына — таксама прафесійныя мастакі-жывапісцы.