У Вікіпедыі ёсць артыкулы пра іншых асоб з прозвішчам Федасенка.
Васіль Сцяпанавіч Федасенка (8 красавіка 1944, в. Наркі, Чэрыкаўскі раён, Магілёўская вобласць — 17 кастрычніка 2002) — беларускі матэматык, геафізік. Доктар фізіка-матэматычных навук (1992), прафесар (1996).
Скончыў Беларускі дзяржаўны ўніверсітэт (матэматычны факультэт, 1965).
Працаваў у Інстытуце матэматыкі АН БССР (з 1966), Марскім гідрафізічным інстытуце АН УССР (1968—1976), Цэнтральным навукова-даследчым і праектным інстытуце арганізацыі і тэхнікі кіравання (Мінск; з 1976, старшы навуковы супрацоўнік, з 1978 — загадчык лабараторыі), Беларускім дзяржаўным універсітэце (з 1980, механіка-матэматычны факультэт, дацэнт кафедры лікавых метадаў і праграмавання, з 1993 — загадчык кафедры агульнай матэматыкі і інфарматыкі).
Навуковыя інтарэсы: тэорыя распаўсюджвання вымушаных хваль і цячэнняў у дысперсных асяроддзях.