Варшаўскі заапарк — заапарк у Варшаве, Польшча. Размешчаны ў варшаўскім раёне Прага.
Рашэнне аб стварэнні Гарадскога заапарку было прынятае 14 чэрвеня 1927 года. Дзеля гэтага быў выдзелены ўчастак плошчай у 32 гектары і сродкі з гарадскога бюджэту. 11 сакавіка 1928 года заапарк быў афіцыйна адкрыты.
Падчас Другой сусветнай вайны заапарк быў знішчаны.
Рашэнне пра адбудову заапарку пасля ваенных знішчэнняў было прынята ў 1946 годзе. Паўторнае адкрыццё адбылося 22 ліпеня 1949 года.
У 1990-х гадах тут узнік вальер для панд, адкрыўся дом для паўзуноў, сланоў, насарогаў, беспазваночных, ягуараў, а таксама вальер для птушак. У 2010 годзе адбылося ўрачыстае адкрыццё новага аб’екту, прызначанага для бегемотаў і акулаў.
Станам на 1 студзеня 2011 года ў заапарку ўтрымлівалася больш за 3,5 тысяч жывёл — прадстаўнікоў 553 відаў. Цяперашняя плошча парку складае больш за 39 гектараў[1].