Вальтэр Гейтлер (Хайтлер) (2 студзеня 1904, Карлсруэ — 15 лістапада 1981) — нямецкі фізік.
Вучыўся ў Берлінскім і Мюнхенскім універсітэтах. У 1929—1933 прыват-дацэнт Гётынгенскага ўніверсітэта, у 1933—1941 займаўся навуковымі даследаваннямі ва ўніверсітэце ў Брыстолі. У 1945—1949 працаваў у Дублінскім інстытуце перспектыўных даследаванняў (з 1946 дырэктар). З 1949 прафесар Цюрыхскага ўніверсітэта. Асноўныя працы Гетлера адносяцца да квантавай хіміі, квантавай тэорыі выпраменьвання, тэорыі мезонаў, касмічных прамянёў. У 1927 сумесна з вучоным Ф. Лонданам тэарэтычна патлумачыў узнікненне гамеапалярнай сувязі ў малекуле вадароду. Член Лонданскага каралеўскага таварыства (з 1948).