Вальдэтруда (Вальтруда; фр. Waudru, нідэрл. Waldetrudis, Waltrudis; каля 612 — 9 красавіка 688, Монс) — святая Рымска-Каталіцкай царквы, абатыса, сястра святой Адэльгунды, з’яўляецца заступніцай горада Монса і правінцыі Эно, Бельгія.
Нарадзілася ў сям’і прыдворнага караля франкаў Хлотара II. У замужжы нарадзіла чацвярых дзяцей, якія пасля таксама сталі святымі (святая Адэльтруда, святы Мадэльберт, святы Ландрык, святая Дэнтэліна). Пасля таго як яе муж сышоў у манастыр, Вальдэтруда таксама прыняла манаскі пострыг і па радзе святога Жыслена заснавала манастыр у горадзе Монс, у якім яна была настаяцельніцай да сваёй смерці.