Валерый Мікалаевіч Лапцінскі (н. 27 жніўня 1940, Орша, Віцебская вобласць) — беларускі матэматык, доктар фізіка-матэматычных навук (1991, Канструктыўны аналіз кіравальных вагальных сістэм), прафесар (1994).
Скончыў БДУ (1963). Працуе ў Інстытуце дастасоўнай оптыкі НАН Беларусі. Навуковыя працы па дыферэнцыяльных ураўненнях і аўтаматычным кіраванні. Стварыў асновы канструктыўнай тэорыі істотна нелінейных сістэм дыферэнцыяльных ураўненняў і распрацаваў эфектыўныя метады іх даследавання.