У Вікіпедыі ёсць артыкулы пра іншых асоб з прозвішчам Бельскі. Валерый Іванавіч Бельскі (нар. 30 кастрычніка 1968, Дзевашычы, Бялыніцкі раён, Магілёўская вобласць, Беларуская ССР) — беларускі эканаміст.
Скончыў Беларускую сельскагаспадарчую акадэмію па спецыяльнасці эканоміка і кіраванне ў галіне АПК. У 1993—1995 гадах працаваў галоўным эканамістам у саўгасе «Каліноўскі» (Бялыніцкі раён). У 1994—1997 гадах праходзіўся вучобу ў аспірантуры Беларускага навукова-даследчага інстытута эканомікі і інфармацыі АПК, пасля якой да 1998 года працаваў там жа навуковым супрацоўнікам. У 1998—2002 гадах працаваў загадчыкам сектара цэнаўтварэння, намеснікам дырэктара, дырэктарам. У 2002—2006 гадах — першы намеснік дырэктара, в. а. дырэктара ДНУ «Інстытут аграрнай эканомікі НАН Беларусі». З 2006 да 2008 года — першы намеснік дырэктара ДНУ «Цэнтр аграрнай эканомікі Інстытута эканомікі НАН Беларусі». У 2008—2012 гадах працаваў в. а. дырэктара, дырэктарам Рэспубліканскага навуковага ўнітарнага прадпрыемства «Інстытут сістэмных даследаванняў у АПК НАН Беларусі».
З 2012 да 2015 года працаваў у Маскве памочнікам члена Калегіі (Міністра) па прамысловасці і аграпрамысловаму комплексу Еўразійскай эканамічнай камісіі. У 2015—2016 гадах — рэктар ДНУ «Інстытут падрыхтоўкі навуковых кадраў НАН Беларусі». З 2016 года працаваў дырэктарам Інстытута эканомікі НАН Беларусі.
30 студзеня 2020 года прызначаны намеснікам кіраўніка Адміністрацыі прэзідэнта[1].
Жанаты, мае 2 дачок. Жонка — Аксана Бельская. Дачкі: Іна (1994 года нараджэння) і Вераніка (2016 года нараджэння)[2].