Валасень звычайны[1] (Gordius aquaticus) — від паразітычных чарвей з групы валаснёў, распаўсюджаны ў Еўропе.
Даўжыня ад 75 мм да амаль 1 метра (987 мм). Самцы карычневага колеру. Рот на пярэднім завостраным канцы субтэрмінальны. Клаакальная адтуліна авальная. Лопасці задняга канца цела кароткія і шырокія (памеры паміж 42,3 × 33 і 400 × 73,3 µm). Гладкая кутыкула. У самак задні канец цела не двухлопасцевы, з цэнтральным размяшчэннем клаакальнай адтуліны.