Вайнона Райдэр (англ.: Winona Ryder; сапраўднае імя — Уінона Лора Горавіц (англ.: Winona Laura Horowitz), нар. 29 кастрычніка 1971, Олмстэд, Мінесота, ЗША) — амерыканская актрыса і прадзюсар.
Два гады запар намінавалася на прэмію «Оскар» за ролі ў фільмах «Эпоха нявіннасці» (1993) і «Маленькія жанчыны» (1994). Лаўрэат прэміі «Залаты глобус» (1994) у намінацыі «Лепшая жаночая роля другога плана — кінафільм» за ролю ў фільме «Эпоха нявіннасці». Кінакрытыкамі лічыцца адной з самых паспяховых актрыс 1990-х гадоў. У 2000 годзе была ўдастоена імянной зоркі на Галівудскай «Алеі славы».