«Вайна́ А́нны» (руск.: Война Анны) — расійскі драматычны фільм Аляксея Федарчэнка[ru][1][2][3][4].
Прэм’ера фільма адбылася на Ратэрдамскім кінафестывалі ў студзені 2018 года[5].
3 чэрвеня 2018 года фільм адкрыў конкурсную праграму кінафестывалю «Кінатаўр» у Сочы[6]. Выканаўца галоўнай ролі Марта Казлова была ўзнагароджана спецыяльным дыпломам журы «За стварэнне пранізлівага вобразу вайны вачыма дзіцяці ў фільме Аляксея Федарчэнка „Вайна Анны“»[7][8].
26 ліпеня 2018 года карціна «Вайна Анны» атрымала гран-пры кінафестывалю новага рускага кіно «Горький fest»[9].
Маленькая дзяўчынка цудам выжыла пасля расстрэлу мясцовых яўрэяў, маці закрыла яе сваім целам. Яна хаваецца ў трубе каміна ва ўкраінскай школе, якая стала камендатурай на час фашысцкай акупацыі. Анна назірае за вайной і жыццём са свайго сховішча.