У Вікіпедыі ёсць артыкулы пра іншых асоб з прозвішчам Анішчанка.
Вадзім Андрэевіч Анішчанка (нар. 29 кастрычніка 1938, Масква, Расія) — беларускі энергетык, спецыяліст у галіне электрычных станцый, сетак, электраэнергетычных сістэм і кіравання імі. Доктар тэхнічных навук (1997), прафесар (2001).
Скончыў Беларускі політэхнічны інстытут (спецыяльнасць «Электрычныя станцыі», 1961).
Працаваў у Інстытуце цепла- і масаабмену, Інстытуце матэматыкі і вылічальнай тэхнікі АН БССР (інжынер, 1961—1964), Беларускім філіяле Маскоўскага энергетычнага інстытута, Беларускім філіяле Усесаюзнага цеплатэхнічнага інстытута (1964—1982, навуковы супрацоўнік), Беларускім нацыянальным тэхнічным універсітэце (з 1964, энергетычны факультэт, кафедра «Электразабеспячэнне», прафесар).
Навуковыя інтарэсы: электраэнергетыка; надзейнасць сістэм электразабеспячэння; энергаэфектыўнасць прамысловых прадпрыемстваў.
Знак Беларускага дзяржаўнага энергетычнага канцэрна «70 гадоў Беларускай энергасістэме» (2001).