Бітва на Бярэзіне — баі 26—29 лістапада 1812 года паміж французскімі карпусамі і рускімі арміямі Чычагава і Вітгенштэйна на абодвух берагах ракі Бярэзіна ў час пераправы Напалеона падчас вайны 1812 года.
Нягледзячы на агулам удалую для французаў пераправу і бітву на Бярэзіне, у грамадскай свядомасці французаў яна адбілася як найярчэйшы, калі не кульмінацыйны, эпізод няўдалай расійскай кампаніі, таму слова «бярэзіна» (фр.: Bérézina або bérézina) ўжываецца як сінонім правалу ці катастрофы, цяпер звычайна спартыўнай або палітычнай[2][3].