У гэтага паняцця ёсць і іншыя значэнні, гл. Бяроза-Картузская (значэнні). Гміна Бяроза-Картузская (польск.: Gmina Bereza Kartuska) — колішняя вясковая гміна, якая існавала да 1932 года ў Палескім ваяводстве Польскай Рэспублікі. Сядзіба размяшчалася ў Бярозе-Картузскай, якая з’яўлялася асобнай гарадской гмінай[2].
У міжваенны перыяд гміна ўваходзіла ў склад Пружанскага павета Палескага ваяводства[1]. 22 студзеня 1926 года ў склад гміны Бяроза-Картузская перададзена частка тэрыторыі гмін Равяцічы і Сялец[3].
1 красавіка 1932 гміна скасавана, яе тэрыторыя ўключана ў склад гмін Малеч i Сялец, а таксама новаўтворанай гміны Сігневічы[4].