Бярве́нка — рака ў Гродзенскім раёне Гродзенскай вобласці Беларусі, левы прыток ракі Пыранка (басейн Нёмана).
Даўжыня ракі 25 км[1]. Плошча вадазбору 110 км². Сярэдні нахіл воднай паверхні 0,7 м/км. Пачынаецца з возера Доўгае, упадае ў Пыранку за 0,7 км на паўднёвы захад ад вёскі Пруды. На ўсім працягу каналізаваная. У басейне ракі знаходзяцца азёры Глінец, Шчучае, Суботняе, Можнева, Лакно.