Бурк-ан-Брэс (фр.: Bourg-en-Bresse, франкаправ.: Bôrg) — горад на ўсходзе Францыі, прэфектура дэпартамента Эн. Насельніцтва — 40,7 тыс. жыхароў. Размешчаны на рацэ Рэсуз, на захад ад горнага масіва Юра. У XIII стагоддзі Бурк атрымаў статус вольнага горада. З XV стагоддзя — сталіца правінцыі Брэс у складзе герцагства Савоя. Захоўваў гэты статус і пасля далучэння да Францыі па выніках Ліёнскага міру да Вялікай французскай рэвалюцыі. Горад знаходзіцца на скрыжаванні значных транспартных шляхоў агульнаеўрапейскага значэння.
Асноўная прамысловая вытворчасць — завод грузавых аўтамабіляў «Рэно».