Бу́дзішчанскі сельсавет — былая адміністрацыйна-тэрытарыяльная адзінка ў складзе Чачэрскага раёна Гомельскай вобласці. Цэнтр — вёска Будзішча.
Пасля другога ўзбуйнення БССР з 8 снежня 1926 года Будзішчанскі (Будзішча-Палескі) сельсавет у складзе Свяцілавіцкага раёна Гомельскай акругі БССР. Цэнтр — вёска Будзішча Палескае. З 4 жніўня 1927 года ў складзе Чачэрскага раёна. Пасля скасавання акруговай сістэмы 26 ліпеня 1930 года ў Чачэрскім раёне БССР. З 20 лютага 1938 года ў складзе Гомельскай вобласці. У 1939 годзе цэнтр сельсавета перайменаваны ў Будзішча. 29 кастрычніка 1959 года скасаваны, тэрыторыя далучана да Нісімкавіцкага сельсавета[1].