wd wp Пошук:

Бронзаўка мармуровая

Бронзаўка мармуровая (Liocola marmorata, Protaetia lugubris) — насякомае сямейства пласцініставусых жукоў.

Апісанне

Жук даўжынёй 19,8-26,5 мм, падоўжаны, звужаны ззаду, умерана пукаты. Верх голы, бліскучы, чорна-бронзавы з мармуровым малюнкам са шматлікіх плямаў і штрыхоў. Бакавы край пярэдняспінкі часткова аблямаваны. Ніз пакрыты валаскамі, брушка пасярэдзіне гладкае, краі 1-5 стэрнітаў з белымі плямамі. Ногі зялёныя з металічным бляскам, пакрытыя кропкамі і валаскамі, пярэднія галёнкі з 3 зубцамі. Вусікі з 3-членікавай пласціністай булавой.

Пашырэнне

Пашырэнне: Еўропа, Сібір, Далёкі Усход; у Беларусі ахоўваецца ў Белавежскай пушчы. Месцы пражывання: на дрэвах, дзе выцякае сок, на кветках на ўзлесках і палянах у старых лясах і садах.

Асаблівасці біялогіі

Лёт жукоў з сярэдзіны чэрвеня да пачатку верасня. Лічынка развіваецца ў пнях і дуплах дубу, грушы, ясакара, асіны, вярбы. Зімуюць лічынкі. Генерацыя 1-2-гадовая.

Літаратура

Тэмы гэтай старонкі (5):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Пласцініставусыя
Катэгорыя·Жывёлы паводле алфавіта
Катэгорыя·Біялагічныя артыкулы без ITIS
Катэгорыя·Чырвоная кніга Беларусі