Бо́ркавіцкі раё́н — адміністрацыйна-тэрытарыяльная адзінка ў БССР у 1929 — 1931 гадах. Утвораны 17 ліпеня 1924 года пад назвай Валынецкі раён у складзе Полацкай акругі. 9 сакавіка 1929 года перайменаваны ў Боркавіцкі раён. Цэнтр — чыгуначная станцыя Боркавічы.
20 жніўня 1924 года раён быў падзелены на 9 сельсаветаў: Боркавіцкі, Валынецкі, Галубаўскі, Дзёрнавіцкі, Замшанскі, Кушлікаўскі, Луначарскі, Прудзінкаўскі, Юзафоўскі.
8 ліпеня 1931 года раён быў скасаваны, Замшанскі і Кушлікаўскі сельсаветы былі перададзены ў склад Полацкага раёна, астатнія — у Дрысенскі раён (з 1962 года — Верхнядзвінскі раён).