У Вікіпедыі ёсць артыкулы пра іншых асоб з прозвішчам Бліе. Бертран Бліе (фр.: Bertrand Blier; нар. 14 сакавіка 1939, Булонь-Біянкур) — французскі кінарэжысёр і сцэнарыст.
Бертран Бліе нарадзіўся 14 сакавіка 1939 г у парыжскім прыгарадзе Булонь-Біянкур (дэпартамент О-дэ-Сен), у сям’і акцёра Бернара Бліе. Кар’еру ў кінематографе Бліе пачаў у 1963 годзе з карціны «Гітлер? Не ведаю» (Hitler, connais pas). Затым рушылі ўслед стужкі «Грымаса» (1966) і «Калі б я быў шпіёнам» (Si J’Etais Un Espion (1967). Шырокая вядомасць прыйшла да Бліе ў 1974 годзе, пасля выхаду яго карціны «Вальсоўшчыкі» (Les Valseuses), якая таксама паслужыла штуршком у кар’еры акцёраў Жэрара Дэпардзьё, Патрыка Дэваэра і Міу-Міу.
У 1977 годзе Бліе зняў камедыю «Падрыхтуйце насоўкі», якая атрымала прэмію «Оскар» за лепшы фільм на замежнай мове. Вельмі прыкметнай стала і сюррэалістычная карціна «Халодныя закускі».