Беларускі настаўніцкі саюз Мінскага павета — прафесіянальна-палітычная арганізацыя беларускіх настаўнікаў у красавіку—ліпені 1920 г. у Мінску.
У кіраўніцтва саюза ўваходзілі Я. Бурвель (старшыня), С. Булат, Я. Шнаркевіч, П. Зарэмба і інш.
Выспупаў за арганізацыю беларускага школьніцтва ў павеце, беларусізацыю народнай асветы, палітычную і сацыяльную абарону беларускіх настаўнікаў, матэрыяльную дапамогу бедным дзецям, за аб’яднанне беларускіх, польскіх, яўрэйскіх і т. зв. рускамоўных настаўніцкіх арганізацый Мінскага павета ў адзіны настаўніцкі саюз і інш.
Спыніў дзейнасць з прыходам Чырвонай Арміі.