Беларуская бібліятэчная асацыяцыя (ББА) — грамадская прафесійная арганізацыя, якая аб’ядноўвае работнікаў бібліятэк Беларусі.
Па ініцыятыве буйнейшых бібліятэк, а таксама Мінскага інстытута культуры і Нацыянальнай кніжнай палаты 16 ліпеня 1993 г. адбыўся ўстаноўчы з’езд ББА. Быў ўхвалены Статут арганізацыі, абраны склад Савета і камітэтаў. Асацыяцыя спрыяе аб’яднанню намаганняў прафесійнага бібліятэчнага грамадства для развіцця бібліятэчнай справы Беларусі. ББА з’яўляецца суарганізатарам буйнейшых бібліятэчных навуковых і навукова-практычных мерапрыемстваў у Беларусі. Выступае сузаснавальнікам прафесійных перыядычных выданняў - “Бібліятэчны свет” і “Бібліятэка прапануе”.