Беланожка — возера ў Беларусі, у Полацкім раёне Віцебскай вобласці, за 38 км на паўночны ўсход ад горада Полацк, за 3 км на поўдзень ад вёскі Труды, у басейне ракі Сосніца.
Плошча паверхні 0,05 км². Даўжыня 0,36 км, найбольшая шырыня 0,12 км. Даўжыня берагавой лініі 0,95 км.
Размешчана сярод лесу. Вакол забалочаная пойма шырынёй ад 20 м на поўдні да 100 м на поўначы, пад хмызняком. На поўдні ўздоўж возера парослая лесам озавая града вышынёй 15 м.