Белаве́жскі сельсавет — адміністрацыйна-тэрытарыяльная адзінка ў складзе Камянецкага раёна Брэсцкай вобласці. Цэнтр — аграгарадок (да 2008 г. пасёлак) Белавежскі.
Утвораны 18 жніўня 1986 года ў складзе Камянецкага раёна Брэсцкай вобласці БССР. 7 верасня 2006 года ў склад сельсавета з Вярховіцкага сельсавета перададзена вёска Манчакі[1]. 16 верасня 2008 года ў склад сельсавета з Войскага сельсавета перададзена вёска Кашчэнікі[2].
Насельніцтва сельсавета паводле перапісу 2009 года — 2301 чалавек[3], з іх 67,5 % — беларусы, 17,2 % — украінцы, 13,1 % — рускія[4].