БелАЗ-75710
| БелАЗ-75710 | |
 | |
| Выпуск | 2013—ц.ч. |
| Вытворца | БелАЗ |
| Месца вытворчасці | Жодзіна  |
| Тып | Кар'ерны самазвал |
| Дапушчальныя нагрузкі | |
| Грузападымальнасць | 450 т |
| Маса | |
| Падрыхтаваная маса | 360 т |
| Поўная маса | 810 т |
| Памеры | |
| Даўжыня | 20600 мм |
| Шырыня | 9870 мм |
| Вышыня | 8165 мм |
| Колавая база | 8000 мм |
 Фотагалерэя на Wikimedia Commons | |
БелАЗ-75710 — кар’ерны самазвал БелАЗ грузападымальнасцю 450 тон. Унесены ў кнігу рэкордаў Гінэса як самы вялікі ў свеце дзвюхвосевы самазвал. Таксама асобна ў кнігу ўнесены яго кузаў, як самы вялікі кузаў кар’ернага самазвала[1].
Гісторыя
Прадстаўлены 25 верасня 2013 года на выпрабавальным палігоне Беларускага аўтамабільнага завода.
Першы пабудаваны асобнік пачаў работу ў жніўні 2014 года на вугальным разрэзе «Чарнігавец» у Кемераўскай вобласці (Расія)[2].
Канструкцыя
Кабіна і кузаў
Кабіна — двухмесцавая. Рама ўяўляе зварную канструкцыю — падоўжныя бакавыя бэлькі каробкавага пастаяннага перасеку, злучаныя папярочкамі. Выраблена з высокатрывалай нізкалегіраванай сталі.
Кузаў — каўшовага тыпу зварной канструкцыі з сістэмай бяспекі FOPS, і ахоўным купалам над кабінай. Абсталяваны прыладай для механічнага блакавання ў паднятым становішчы. Падаграваецца ад выхлапных газаў рухавіка. Геаметрычны аб’ём складае 160 кубаметраў.
Рухавік
Два дызельныя, чатырохтактныя, V-падобныя рухавікі MTU(ням.) бел. DD 16V4000 з электроннай сістэмай кіравання DDEC, непасрэдным упырскам паліва Common Rail, турбанаддзіманнем і прамежкавым астуджэннем надзіманага паветра. Развіваюць агульную магутнасць у 4600 конскіх сілаў. Стартар — пнеўматычны.
Ачыстка паветра ажыццяўляецца пры дапамозе трохступеністых фільтраў з элементамі сухога тыпу. Сістэма змазкі цыркуляцыйная.
Сістэма астуджэння двухконтурная вадкасная, з прымусовай цыркуляцыяй. Астуджэнне алею — праз вода-алейны цеплаабменнік. Вадкасная сістэма перадпускавога падагрэву. Астуджэнне дыска працоўнага кола сістэмы праз гідраўлічную муфту з аўтаматычным кіраваннем. Уключэнне і выключэнне ажыццяўляецца з дапамогай тэрмастата.
* кожны рухавік |
Трансмісія
Трансмісія электрамеханічная — Siemens MMT500. Складаецца з двух цягавых генератараў пераменнага току, чатырох цягавых электрарухавікоў і матор-колаў рэдуктараў, дапаможных электрычных машын, прыладаў кіравання.
* кожны |
Падвеска
Цыліндры пнеўмагідраўлічныя (алей і азот). Па два цыліндры на пярэдняй і задняй восях. На кожнай восі ўсталяваныя стабілізатары папярочнай устойлівасці.
Шыны — Michelin, пнеўматычныя, бяскамерныя, радыяльныя, з кар’ерным малюнкам пратэктара. Памер — 59/80R63.
Гідраўлічная сістэма
Камбінаваная гідраўлічная сістэма выкарыстоўваецца для ўздыму кузава, рулявога кіравання і тармазной сістэмы.
Алейная помпа — аксіяльна-поршневая, пераменнага патоку, з рэгулятарам ціску. Механічны прывад — праз карданны вал ад фланца выхаднога вала цягавага генератара.
Тормазы
Тармазная сістэма ўключае ў сябе працоўны, стаяначны, дапаможны тормазы і рэтардар.
Працоўныя тормазы пярэдніх і задніх колаў — падвойныя дыскавыя тормазы з адной тармазной механізм на дыск і аўтаматычнай рэгулявання зазору. Дыскі ўстаноўлены на валах цягавых электрарухавікоў. Гідраўлічны прывад для пярэдніх і задніх колаў.
Стаяначны тормаз — сістэма з двума тармазнымі механізмамі, пастаянна замкнёная на знешні дыскавы тормаз цягавага электрарухавіка.
Запаволенне сістэмы ажыццяўляецца з дапамогай электрадынамічнага тармажэння цягавых рухавікоў у рэжыме з электрычным генератарам, з прымусовым паветраным астуджэннем тармазных рэзістараў.
Тармазныя рэзістары — MMT500 Gridbox.
Спецыяльнае абсталяванне
- Перадпускавы падагравальнік.
- Сістэма пажаратушэння з аўтаматычным кіраваннем.
- Аўтаматычная цэнтралізаваная сістэма змазкі.
- Сістэмы кантролю загрузкі і запраўкі палівам.
- Тэлеметрыя сістэмы кіравання напампоўкі шын.
- Дыягнастычная сістэма
- Сістэма папярэджання набліжэння да высакавольтных ліній.
- Сістэма відэаназірання
- Абагравальнік і кліматычная ўстаноўка
Опцыі
- Падкладка падлогі кузава.
- Сістэма хуткай запраўкі Wiggins.
Зноскі
- ↑ 450-тонный БелАЗ дважды вошел в Книгу рекордов Гиннесса(руск.) . abw.by (6 кастрычніка 2015). Праверана 29 студзеня 2022.
- ↑ 450-тонный БелАЗ-75710 приступил к работе в Кузбассе(руск.) . abw.by (22 жніўня 2014). Праверана 29 студзеня 2022.
Спасылкі
- Карьерные самосвалы серии 7571(руск.) . Афіцыйны сайт завода БелАЗ // belaz.by. Праверана 29 студзеня 2022.
Гл. Таксама
Тэмы гэтай старонкі (3):Аўтамабілі БелАЗ
Грузавыя аўтамабілі паводле алфавіта
Транспартныя сродкі, прадстаўленыя ў 2013 годзе