Барэ́цкая дуброва — батанічны помнік прыроды рэспубліканскага значэння ў Івацэвіцкім раёне Брэсцкай вобласці. Размешчана за 1 кіламетр на поўнач ад вёскі Кушняры, за 200 метраў на захад ад будынка Барэцкага лясніцтва, выдзел 7 квартала № 182. Дуброва ялова-грабова-чарнічная. Плошча дубровы складае 3,6 га. Узрост дрэў 110—120 гадоў, вышыня 24 м, дыяметр 0,6 м. Эталоннае насаджэнне дубу з рэдкім удзелам у ніжніх ярусах грабу звычайнага, елкі еўрапейскай. Ахоўны статус нададзены ў 1963 годзе.