У Вікіпедыі ёсць артыкулы пра іншых асоб з прозвішчам Эльберт. Барыс Якаўлевіч Э́льберт (Бер Янкель Мееравіч; 25 снежня 1890, г. Дубна, цяпер Ровенская вобласць, Украіна — 19 снежня 1963) — беларускі вучоны ў галіне мікрабіялогіі. Доктар медыцынскіх навук (1939), прафесар (1949). Заслужаны дзеяч навук Кіргізскай ССР (1942).
Скончыў у 1917 годзе Кіеўскі ўніверсітэт. У 1919—1923 гадах працаваў у Кіеве. З 1923 года дырэктар Беларускага санітарна-бактэрыялагічнага НДІ, у 1925—1931 і 1962—1963 гадах загадчык кафедры Беларускага дзяржаўнага ўніверсітэта, у 1948—1962 гадах — Мінскага медыцынскага інстытута.
Працы па даследаванні склеромы, туберкулёзу, тулярэміі. Дзяржаўная прэмія СССР 1946 года.