Барыс Маркавіч Брагінскі (17 студзеня 1926, г. Кіеў, Украіна — 31 жніўня 1972) — урач-тэрапеўт. Доктар медыцынскіх навук (1965), прафесар (1969).
Скончыў Кіеўскі медыцынскі інстытут імя А. А. Багамольца (1947).
Працаваў у Украінскім навукова-даследчым інстытуце харчавання (1947—1953, навуковы супрацоўнік клініка-эксперыментальнага аддзела), Таджыкскім дзяржаўным медыцынскім інстытуце (1953—1963, дацэнт кафедры факультэцкай тэрапіі), Гродзенскім дзяржаўным медыцынскім інстытуце (з 1963, загадчык кафедры факультэцкай тэрапіі).
Навуковыя інтарэсы: клінічная вітаміналогія; паталогія печані; атэрасклератычныя пашкоджанні сасудаў і сэрца.