Барбра Джоан Стрэйзанд (англ.: Barbra Joan Streisand, вымаўляецца [‘straɪsænd] гэта значыць Страйсэнд; 24 красавіка 1942, Бруклін, Нью-Ёрк, ЗША) — амерыканская спявачка і актрыса, якая таксама дасягнула поспеху як кампазітар, рэжысёр, прадзюсар і палітычны актывіст. Уладальніца двух «Оскараў» у намінацыях «Лепшая актрыса» і «Лепшая арыгінальная песня», а таксама прэмій «Эмі», «Грэмі» і «Залаты глобус».
Стрэйзанд лічыцца адной з найбольш камерцыйна паспяховых жанчын сучаснага шоу-бізнесу. Гэта адзіны выканаўца, які ўзначальваў са сваімі альбомамі Billboard 200 у 1960-я, 1970-я, 1980-я, 1990-я, 2000-я і 2010-я гады. Усяго ў свеце разышлося больш за 145 млн асобнікаў яе пласцінак.