Банк Швецыі, Рыксбанк (шведск.: Sveriges riksbank) — цэнтральны банк Швецыі.
Падпарадкаваны непасрэдна рыксдагу і, паводле канстытуцыі, адказвае за правядзенне грашовай палітыкі дзяржавы.
Рыксбанк лічыцца найстарэйшым з цяпер існуючых цэнтральных банкаў свету. Быў заснаваны ў 1668 годзе пад назвай Банк дзяржаўных саслоўяў (Riksens ständers bank). Сучасную назву атрымаў у 1866 годзе ў сувязі з скасаваннем саслоўнага рыксдага.
У 1968 годзе банк заснаваў прэмію па эканамічных навуках памяці Альфрэда Нобеля.